ભરૂચમાં ફાર્માસ્યુટિકલ યુનિટમાંથી 1410 લિટર પ્રવાહી ટ્રેમાડોલ ઝડપાયું

ભરૂચ:  એન્ટી ટેરરિસ્ટ સ્ક્વોડ (એટીએસ)એ ગુજરાતના ભરૂચ જિલ્લાના દહેજમાં ફાર્માસ્યુટિકલ યુનિટમાંથી લગભગ 1410 લિટર પ્રવાહી ટ્રામાડોલ ઝડપી પાડ્યું છે.

એટીએસના સૂત્રોએ બુધવારે જણાવ્યું હતું કે ચોક્કસ માહિતીના આધારે એટીએસ અને એસઓજીની ટીમે દહેજ જીઆઈડીસીમાં આવેલી ફાર્મા કંપનીમાં દરોડો પાડ્યો હતો. આ દરમિયાન, સ્થળ પરથી આશરે 1410 લિટર ગેરકાયદેસર પ્રવાહી ટ્રેમાડોલ, જેનો ઉપયોગ 31.02 કરોડ રૂપિયાની ટ્રામાડોલ ટેબ્લેટ બનાવવા માટે કરવામાં આવ્યો હતો, તે જપ્ત કરવામાં આવ્યો હતો. આ ગેરકાયદે જથ્થો તપાસ અર્થે જપ્ત કરવામાં આવ્યો છે.  આ સંબંધમાં ATSએ કેસ નોંધીને બે લોકોની ધરપકડ કરી છે અને ઝીણવટભરી તપાસ શરૂ કરી છે.

તેમણે જણાવ્યું હતું કે પ્રાથમિક તપાસ દરમિયાન એવું બહાર આવ્યું હતું કે મુન્દ્રા કસ્ટમ વિભાગ દ્વારા 28 જુલાઈ, 2024ના રોજ કચ્છ જિલ્લાના મુન્દ્રા ખાતે શંકાસ્પદ નિકાસ કન્ટેનરની તલાશી લેવામાં આવી હતી. જે દરમિયાન વેસ્ટ આફ્રિકન દેશો સિએરા લિયોન અને નાઈજરમાં નિકાસ કરવામાં આવતી કુલ 68 લાખ રૂપિયાની 110 કરોડની કિંમતની ગેરકાયદેસર ટ્રેમાડોલ ટેબ્લેટ જપ્ત કરવામાં આવી હતી. આ ગેરકાયદેસર જથ્થો ઉપરોક્ત ધરપકડ કરાયેલા લોકોએ તૈયાર કરીને મોકલ્યો હતો.