ચાર્જઝોનના સહયોગથી મુંબઈ-અમદાવાદ હાઇવે પર TATA.ev મેગાચાર્જર્સ લોન્ચ કરાયા

~ નંબર વન ઇ-કાર મેન્યુફેક્ચરર અને નંબર વન ઈવી ચાર્જિંગ પ્રોવાઇડરે હાથ મિલાવ્યા ~

વડોદરા : ભારતની સૌથી મોટી ફોર-વ્હીલર EV ઉત્પાદક અને ભારતની EV ક્રાંતિના પ્રણેતા TATA.evએ મુંબઈ-અમદાવાદ હાઇવે પર 3 ચાર્જઝોન TATA.ev મેગાચાર્જરનું ઉદ્ઘાટન કરીને EV કમ્યુનિટીના ચાર્જિંગ અનુભવને સુધારવા માટે એક મહત્વપૂર્ણ પગલું ભર્યું છે. ભારતના સૌથી વ્યસ્ત ધોરીમાર્ગોમાંથી એક પર સ્થિત આ ઝડપી અને વિશ્વસનીય ચાર્જર્સ, દમણ/ રાજવાડા/ નવસારી/ સુરત/ અંકલેશ્વર/ ભરૂચ/ વડોદરા/ અમદાવાદમાં મુસાફરી કરતા EV માલિકોને સરળ અને અનુકૂળ ડ્રાઇવ પ્રદાન કરે છે. આ પગલું કંપની દ્વારા ફેબ્રુઆરી 2025માં જાહેર કરાયેલી ક્રાંતિકારી પહેલને અનુરૂપ છે, જેમાં ઓપન કોલાબોરેશન 2.0 ફ્રેમવર્ક હેઠળ 2027 સુધીમાં ભારતના હાલના ચાર્જિંગ ઇન્ફ્રાસ્ટ્રક્ચરને બમણું કરીને 400,000 ચાર્જિંગ પોઇન્ટ કરવાની જાહેરાત કરવામાં આવી હતી. ચાર્જર વિઝિબિલિટી, ફાસ્ટ ચાર્જિંગ સ્પીડ અને વિશ્વસનીયતા જેવી EV માલિકોની મુખ્ય ચિંતાઓને દૂર કરવા માટે, ચાર્જઝોન TATA.evએ વિવિધ ચાર્જ પોઈન્ટ ઓપરેટરો (CPOs) સાથે ભાગીદારી કરી છે જેથી દેશભરમાં હાઇ-સ્પીડ, વિશ્વસનીય ચાર્જિંગ સ્ટેશનોનું કો-બ્રાન્ડેડ TATA.ev ચાર્જઝોન મેગાચાર્જર નેટવર્ક શરૂ કરી શકાય. ચાર્જઝોન TATA.ev મેગાચાર્જર્સ બધા ઇલેક્ટ્રિક વાહનો દ્વારા ઉપયોગ માટે ઉપલબ્ધ હશે, પરંતુ Tata EVs વપરાશકર્તાઓને ચાર્જિંગ પોઈન્ટની પ્રાથમિકતા ઍક્સેસ અને ચાર્જિંગ ચાર્જ પર 25% સુધીના ડિસ્કાઉન્ટ જેવા વિશિષ્ટ લાભો મળશે.

મુંબઈ – અમદાવાદ હાઇવે પર TATA.ev મેગાચાર્જર્સ વિશે:

ગુજરાત અને મહારાષ્ટ્રમાં મુસાફરી કરનારાઓ માટે, TATA.evએ ચાર્જઝોન સાથે ભાગીદારીમાં શ્રીનાથ ફૂડ હબ, વડોદરા, શાંતિ કોમ્પ્લેક્સ, વાપી અને હોટેલ એક્સપ્રેસ ઇન, ઘોડબંદર ખાતે ત્રણ ઉચ્ચ-ક્ષમતાવાળા TATA.ev મેગાચાર્જર્સ રજૂ કર્યા છે:

500 કિમી લાંબા હાઇવે પર 150-200 કિમીના અંતરે અનુકૂળ રીતે સ્થિત, દરેક સ્ટેશન શૌચાલય અને ભોજન સુવિધાઓથી સજ્જ છે, જે પ્રીમિયમ અને વિશ્વસનીય ચાર્જિંગ અનુભવ પ્રદાન કરે છે. વડોદરામાં આવેલ ફ્લેગશિપ 400 kW TATA.ev મેગાચાર્જર એકસાથે 6 વાહનો ચાર્જ કરવામાં સક્ષમ છે, જે ફક્ત 15 મિનિટમાં 150 કિમી સુધીનું અંતર કાપી શકે છે, જ્યારે કોરિડોર પરના અન્ય સ્ટેશનો 120 kW સુધીની ચાર્જિંગ સ્પીડને સપોર્ટ કરે છે. દરેક સ્થળે શૌચાલય અને રેસ્ટોરન્ટની સુવિધાઓ હોવાથી, આ હાઇવે પર વારંવાર આવનારા EV માલિકોને હવે પ્રીમિયમ, છતાં વિશ્વસનીય અને ઝડપી ચાર્જિંગ અનુભવનો આનંદ માણવાની તક મળે છે. નંબર વન ઈઇકાર મેન્યુફેક્ચરર અને નંબર વન ઈવી ચાર્જિંગ પ્રોવાઇડરે હાથ મિલાવ્યા છે.

TATA.ev મેગાચાર્જર્સના લોન્ચ પર ઉત્સાહિત, Tata પેસેન્જર ઇલેક્ટ્રિક મોબિલિટી લિમિટેડ અને Tata મોટર્સ પેસેન્જર વ્હીકલ્સ લિમિટેડના ચીફ સ્ટ્રેટેજી ઓફિસર બાલાજી રાજને જણાવ્યું હતું કે, “મુંબઈ-અમદાવાદ રૂટ પરના મુખ્ય શહેરોમાં TATA.ev મેગાચાર્જર્સ સ્થાપિત કરીને, અમે ભારતના સૌથી વ્યસ્ત રાષ્ટ્રીય ધોરીમાર્ગોમાંના એકને ઇલેકટ્રીફાઇંગ કરી રહ્યા છીએ. 120 kW થી 400 kW ક્ષમતા સાથે ઝડપી, વિશ્વસનીય ચાર્જિંગ સુનિશ્ચિત કરવા માટે, આ ચાર્જર્સ કાળજીપૂર્વક પસંદ કરેલા સ્થળોએ સ્થાપિત કરવામાં આવ્યા છે, જે EV માં મુશ્કેલી-મુક્ત ડ્રાઇવ માટે ડાઇનિંગ અને આરામની સુવિધાઓ પ્રદાન કરે છે. આ પહેલ ગુજરાતમાં અમારા મજબૂત બજાર નેતૃત્વ દ્વારા સંચાલિત છે, જ્યાં અમે લગભગ 63% બજાર હિસ્સો ધરાવીએ છીએ, અમારું માનવું છે કે તે સુલભતામાં સુધારો કરીને, રેન્જની ચિંતા ઘટાડીને અને ભારતમાં ગતિશીલતા માટે EVs ને મેઇનસ્ટ્રીમી પસંદગી બનાવીને ઝડપથી વિકસતા EV કમ્યુનિટીને ટેકો આપશે.”

આ ઇલેક્ટ્રિક સહયોગ અંગે ટિપ્પણી કરતા, ચાર્જઝોનના સીઈઓ અને મેનેજિંગ ડિરેક્ટર મિ. કાર્તિકેય હરિયાણીએ જણાવ્યું હતું કે, “અમને NH48 પર અમારા પ્રથમ કો-બ્રાન્ડેડ સુપરચાર્જિંગ સ્ટેશનનું અનાવરણ કરવા માટે TATA.ev સાથે ભાગીદારી કરવાનો ગર્વ છે, જે મુખ્ય રાષ્ટ્રીય ધોરીમાર્ગ કોરિડોર પર વ્યૂહાત્મક રીતે સ્થિત છે. ચાર્જઝોન અને TATA.ev સાથે મળીને આજના ઇવી ડ્રાઇવરોની જરૂરિયાતો – ઝડપી, વિશ્વસનીય અને સરળતાથી સુલભ ઉકેલો – પર ધ્યાન કેન્દ્રિત કરીને ભારતમાં ઇવી ચાર્જિંગની સીમાઓને આગળ ધપાવી રહ્યા છે. અમે એક સીમલેસ EV ઇકોસિસ્ટમ બનાવી રહ્યા છીએ જે ઓટો ચાર્જ, RFID ટેપ અને ચાર્જ સહિતની નવીન સુવિધાઓને સપોર્ટ કરે છે, જે વર્તમાન માંગણીઓ અને ભવિષ્યની ગતિશીલતાની જરૂરિયાતોને પૂર્ણ કરે છે.”

વડોદરાની બહાર વ્યસ્ત અમદાવાદ-મુંબઈ હાઇવે પર સ્થિત, 400 kW TATA.ev મેગાચાર્જર TATA.evના મુખ્ય ચાર્જિંગ સ્ટેશનોમાંનું એક છે. વડોદરાથી 40 કિમી અને અમદાવાદથી 160 કિમી દૂર આવેલું આ સ્થળ ભરૂચ, સુરત, વાપી અથવા મુંબઈ તરફ જતા ઇલેક્ટ્રિક વાહન સવારો માટે એક આદર્શ સ્ટોપ છે. ચાર્જિંગ સ્ટેશન ઇન્ટેલિજન્ટ ડાયનેમિક લોડ બેલેન્સિંગનો ઉપયોગ કરીને એકસાથે 6 ઇલેક્ટ્રિક વાહનો ચાર્જ કરી શકે છે અને ગ્રાહકોને, ખાસ કરીને પહેલી વાર અથવા નોન-ટેક-સેવી EV વપરાશકર્તાઓને મદદ કરવા માટે પ્રશિક્ષિત સ્ટાફ રાખવામાં આવ્યા છે, જે ચાર્જિંગ અનુભવને બધા માટે સીમલેસ અને સુલભ બનાવે છે. ફક્ત ચાર્જિંગ ઉપરાંત, TATA.ev મેગાચાર્જરને મુસાફરો માટે અનુકૂળ હબ તરીકે વિકસાવવામાં આવ્યું છે. તેમાં વિવિધ પ્રકારના ડાઈનિંગ વિકલ્પો સાથે ફૂડ કોર્ટનો પણ સમાવેશ થાય છે. સ્વચ્છ શૌચાલય અને પરિવાર-મૈત્રીપૂર્ણ સુવિધાઓ વપરાશકર્તા અનુભવને વધુ બહેતર બનાવે છે.

પરંપરાગત પેટ્રોલ પંપની સાઇઝ અને સ્કેલના સમાન ડિઝાઇન કરાયેલ, આ સ્ટેશનનો હેતુ એ ધારણાને મજબૂત બનાવવાનો છે કે EV મેઈન્સ્ટ્રીમ છે, અને EV માં લાંબા અંતરની મુસાફરી વ્યવહારુ અને અનુકૂળ બંને છે.

વાપીમાં મુંબઈ-અમદાવાદ હાઈવેથી સીધા જ સરળતાથી પહોંચવા માટે વ્યૂહાત્મક રીતે સ્થિત, શાંતિ કોમ્પ્લેક્સ ખાતે આવેલ ઝડપી અને વિશ્વસનીય 120 kW TATA.ev મેગાચાર્જર દમણ જતા EV માલિકો અથવા મુંબઈ-અમદાવાદ હાઈવે પર પ્રવાસીઓ માટે તેમની EV ચાર્જ કરવા માટે એક અનુકૂળ સ્થાન પૂરું પાડે છે. ચાર્જ કરતી વખતે, વપરાશકર્તાઓ તેમના પરિવાર સાથે સ્થાનની શોધખોળ કરવામાં થોડો સમય પસાર કરી શકે છે. ડ્યુઅલ ગન્સ અને ડાયનેમિક લોડ બેલેન્સિંગથી સજ્જ, TATA.ev મેગાચાર્જર એકસાથે અનેક ઇલેક્ટ્રિક વાહનોને ઝડપી ચાર્જ કરી શકે છે.

મુંબઈના સૌથી વ્યસ્ત ક્રોસરોડ્સમાંના એક, થાણે ખાતે સ્થિત, હોટેલ એક્સપ્રેસ ઇન ખાતે TATA.ev મેગાચાર્જર મુંબઈ/થાણે અને આસપાસના વિસ્તારો વચ્ચેના દૈનિક આંતર-શહેર મુસાફરો માટે – ખાસ કરીને વ્યસ્ત મુંબઈ-ગુજરાત હાઇવે પર મુસાફરી કરતા લોકો માટે સરળતાથી શોધી શકાય તેવું અને ખૂબ જ અનુકૂળ ચાર્જિંગ સ્ટોપ પૂરું પાડે છે. તેના 120-kW રેપિડ-ચાર્જિંગ સ્ટેશન અને સમર્પિત પાર્કિંગ બેઝ સાથે, તે EV ડ્રાઇવરો માટે ઝડપી બેટરી ટોપ-અપની બાંયધરી આપે છે. નિયમિત મુસાફરો અને શહેરના સંશોધકો દ્વારા પ્રિય, હોટેલ મુસાફરોને આનંદ માણવા માટે ઘણી સુવિધાઓ પણ પ્રદાન કરે છે.