બિલિયન લાઇવ્સ ફાઉન્ડેશન દ્વારા સંગીતમય કરાઓકે ઇવનિંગનું આયોજન કરાયું

વડોદરા : બિલિયન લાઇવ્સ ફાઉન્ડેશન દ્વારા BLF ઓફિસ ખાતે આનંદમય અને ઉત્સાહભર્યું કરાઓકે ઇવનિંગ આયોજન કરવામાં આવ્યું હતું. વિવિધ લોકો કાર્યક્રમમાં જોડાયા હતા. 25 જેટલા ભાગલેનારોએ હાજરી આપી અને સંગીતમય માહોલમાં સુંદર અને યાદગાર ક્ષણો સર્જાઈ.

કાર્યક્રમની શરૂઆત પરંપરાગત દીપ પ્રજ્વલન વિધિથી કરવામાં આવી, જે એકતા, સકારાત્મકતા અને શુભ શરૂઆતનું પ્રતિક છે. ભાગલેનારોએ વિવિધ મિશ્રિત ગીતો ગાઈને કાર્યક્રમમાં આનંદ અને ઉર્જા ઉમેર્યા. કાર્યક્રમનું વિશેષ આકર્ષણ સ્વર કોકિલા લતા મંગેશકરજીને સંગીતમય શ્રદ્ધાંજલિ આપવાનું રહ્યું, જેમાં તેમના લોકપ્રિય ગીતો ગાઈને તેમને યાદ કરવામાં આવ્યા. બાદમાં સૌએ પોટલક પાર્ટીનો આનંદ લીધો, જેમાં દરેકે પોતાના બનાવેલા સ્વાદિષ્ટ વ્યંજનો વહેંચ્યા અને પરસ્પર સ્નેહ, સહકાર અને સમુદાયભાવને વધુ મજબૂત બનાવ્યો.

કિન્નરી હરિયાણી, સ્થાપક અને ડિરેક્ટર, બિલિયન લાઇવ્સ ફાઉન્ડેશને તમામ ભાગ લેનારાઓનો હૃદયપૂર્વક આભાર વ્યક્ત કર્યો અને જણાવ્યું કે, આવા કાર્યક્રમો લોકો વચ્ચે જોડાણ, સર્જનાત્મકતા અને સકારાત્મકતા વધારવામાં મહત્વપૂર્ણ ભૂમિકા ભજવે છે. તેમણે સૌના ઉત્સાહ અને સહભાગિતાની પ્રશંસા કરી અને કાર્યક્રમને સફળ બનાવા બદલ અભિનંદન આપ્યા. બિલિયન લાઇવ્સ ફાઉન્ડેશન આગામી સમયમાં પણ આવા સમાજમૈત્રીપૂર્ણ અને પ્રેરણાદાયક કાર્યક્રમો દ્વારા સમુદાયમાં ખુશી, સર્જનાત્મકતા અને એકતા વધારવા માટે પ્રતિબદ્ધ છે.