આગના કારણે નારોલનું આકાશ કાળા ડિબાંગ વાદળથી છવાયું
અમદાવાદઃ શહેરના નારોલ વિસ્તારમાં આકાશમાં કાળા વાદળો દેખાતા લોકોમાં કૂતુહલ સર્જાયું હતુ. મસમોટો આકાર ધરાવતા આ કાળા ડિબાંગ વાદળોને શહેરના દૂરના વિસ્તારમાંથી પણ જોઇ શકાતા હતા. લોકોમાં ચર્ચા હતી કે શાને લીધી આ મસમોટું કાળુ વાદળ આકાશમાં જોવા મળી રહ્યું છે.
જોકે, પર્યાવરણ ટુડેએ આ અંગે તપાસ કરતા આ ગનો ધૂમાડો નારોલ વિસ્તારમાં આકાશમાં ઉંચે જઇ રહ્યો હતો. આગનું વિકરાળ અને વિશાળ સ્વરૂપ તેમાંથી નીકળતા ધૂમાડા પરથી જોઇ શકાય છે. પ્રાથમિક રીતે આ આગ નારોલ વિસ્તારમાં આવેલા કોઈ કેમિકલના ગો઼ડાઉનમાં લાગી હોવાની જાણકારી મળી રહી છે.
આગનું વિકરાળ સ્વરૂપ જોઇને મોટા પાયે નુક્શાન થયું હોવાની વાતને નકારી શકાય નહી. આ ગ કેવી રીતે લાગી તેનું કારણ , જાનહાનિ કે અન્ય સંબંધિત વિગતો ને લઇ હાલ જાણકારી મળી રહી નથી.
વીડિયો