તીવ્ર ગરમીની ઝપેટમાં જાપાન, ઘણા પ્રાંતોમાં હીટ વેવની ચેતવણી

ટોક્યો: જાપાનના 47 માંથી 40 રાજ્યોમાં તીવ્ર ગરમી વચ્ચે હીટ વેવની ચેતવણી જારી કરવામાં આવી છે. જાપાનની હવામાન એજન્સી (JMA)એ આ માહિતી આપી છે.

જાપાનના હવામાન વિભાગે કેન્ટો, ટોકાઈ, કંસાઈ અને ક્યુશુ પ્રદેશોમાં 38 ડિગ્રી સેલ્સિયસ કે તેથી વધુ તાપમાનની આગાહી કરી છે. આ ઉપરાંત, ક્યોટો અને ઓઇટાના પશ્ચિમ પ્રીફેક્ચર્સમાં પારો 39 ડિગ્રી સેલ્સિયસ સુધી પહોંચવાની ધારણા છે.

જેએમએ જણાવ્યું હતું કે બપોર પછી તાપમાનમાં વધુ વધારો થવાની ધારણા છે. તેમણે કહ્યું કે ક્યોટો શહેરમાં મહત્તમ દિવસનું તાપમાન 39 ડિગ્રી અને મધ્ય ટોક્યોમાં 36 ડિગ્રી સુધી પહોંચી જશે.

અધિકારીઓએ ચેતવણી આપી હતી કે 47 માંથી 40 પ્રાંતો હીટવેવના ઉચ્ચ જોખમમાં છે, તેથી આ પ્રાંતોને એલર્ટ પર રાખવામાં આવ્યા છે. લોકોને બપોરે ઘરની બહાર ન નીકળવાની સલાહ આપવામાં આવી છે.