બાલી સાગરમાં તીવ્ર ભૂકંપનો આંચકો અનુભવાયોઃ CENC

જકાર્તા: ઇન્ડોનેશિયાના બાલી સાગર ક્ષેત્રમાં મંગળવારે ભૂકંપના જોરદાર આંચકા અનુભવાયા હતા. ભૂકંપની તીવ્રતા રિક્ટર સ્કેલ પર 7.1 માપવામાં આવી હતી. ભૂકંપના કારણે જાનહાનિની ​​સંખ્યા વિશે હજુ સુધી કોઈ માહિતી પ્રાપ્ત થઈ નથી.

ચાઇના અર્થક્વેક નેટવર્ક્સ સેન્ટર (CENC) એ જણાવ્યું હતું કે ઊંડા સમુદ્રના ભૂકંપને કારણે આ વિસ્તારમાં સુનામીનો કોઈ ખતરો નથી.  CENCએ જણાવ્યું હતું કે ભૂકંપનું કેન્દ્ર સપાટીથી 520 કિમીની ઊંડાઈએ 6.80 ડિગ્રી દક્ષિણ અક્ષાંશ અને 116.60 ડિગ્રી પૂર્વ રેખાંશ પર સ્થિત હતું.