ઔદ્યોગિક વિસ્તારમાં દુર્ઘટનાઓને રોકવા માટે બનશે સોફ્ટવેર

ભરૂચઃ જિલ્લાના વિવિધ ઔદ્યોગિક વિસ્તારમાં દુર્ઘટનાઓને રોકવા માટે સોફ્ટવેર બનાવવામાં આવશે. આ માટે સરકારની સાથે એમઓયૂ પર હસ્તાક્ષર કરવામાં આવી ચૂક્યો છે. એસઆરઆઈટીસી કોલેજ દ્વારા એનાલિસિસ માટે પીપીપી સ્તર પર સીઓઈ સોફ્ટવેર વિકસિત કરવામાં આવશે. કંપનીઓમાં જીવલેણ દુર્ઘટનાઓ સાથે જોડાયેલી કોઇ પણ જાણકારી એક જ ક્લિકમાં લોકોને સરળતાથી મળી શકશે.

ઔદ્યોગિક વિસ્તારમાં થતી દુર્ઘટનાઓનું વિશ્લેષણ કરી તે આધાર પર દુર્ઘટનાઓનું કારણ શોધી દુર્ઘટનાની ઘટનાઓને રોકવા માટે વિશેષ પ્રકારના સોફ્ટવેરને અંકલેશ્વર સ્થિત એસઆરઆઈસીટી કોલેજ દ્વારા તૈયાર કરવામાં કરવામાં આવી રહ્યું છે. આગામી 26 જાન્યુઆરીએ રાજ્યના મુખ્યમંત્રી વિજય રૂપાણીના હસ્તે દેશમાં સૌથી પહેલા બનેલા આ સોફ્ટવેરનું ઉદ્ઘાટન કરવામાં આવશે તથા આ માટે કોલેજ તરફથી સરકારની સાથે એમઓયૂ કરાઇ ચૂક્યાં છે. 

• 

ગુજરાત પ્રદેશની વિવિધ કંપનીઓમાં થનારી વિવિધ પ્રકારની દુર્ઘટનાઓના કારણે જીઆઈડીસીની સામે પ્રશ્ન ઉભા થતાં રહ્યાં છે. આ આધાર પર અંકલેશ્વરની એસઆરઆઈસીટી તરફથી એક વિશેષ પ્રકારનું સોફ્ટવેર તૈયાર કરવામાં આવી રહ્યું છે. તેમાં પ્રદેશના કોઇ પણ સ્થળ પર ઔદ્યોગિક એકમોમાં કોઇ પણ પ્રકારની ઘટના થવા પર તેનો એનાલિસિસ રિપોર્ટ તૈયાર કરવામાં આવશે તથા આ આધાર પર દુર્ઘટનાઓના કારણને શોધી સંબંધિત કંપની સહિત અન્ય કંપનીઓમાં આ પ્રકારની દુર્ઘટનાને કેવી રીતે રોકી શકાય તે માટે ગાઇડલાઇન પ્રસિદ્ધ કરવામાં આવશે. 

એસઆરઆઈસીટી કોલેજ દ્વારા તૈયાર કરાઇ રહેલુ આ સોફ્ટવેર માટે રાજ્યના ડિશ (ડિરેક્ટર ઑફ ઇન્ડસ્ટ્રીયલ સેફ્ટી એન્ડ હેલ્થ) વિભાગની સાથે એમઓયૂ કરવામાં આવ્યું છે. એસઆરઆઈસીટી કોલેજના યૂપીએલ સેંટર ફૉર એક્સલેંસ ફૉર સેફ્ટી સ્ટડીઝ તરફથી રાજ્યના ડિશ વિભાગના નિયામક પી.એમ. શાહ, સહાયક મુખ્ય શ્રમ તથા રોજગારના વિપુલ મિત્રાની સાથે કોલેજના વાઇસ ચેરમેન અશોક પંજવાણીએ એમઓયૂ કરાર કર્યા.

શું છે સીઓઈ સોફ્ટવેરઃ એસઆરઆઇટીસી કોલેજ દ્વારા સીઓઈ સોફ્ટવેર બનાવવામાં આવશે. તેમાં સમગ્ર દેશમાં ક્યાંય પણ ઔદ્યોગિક દુર્ઘટના ઘટે છે તો તેની જાણકારી નોંધવમાં આવશે. ઘટના કેવી રીતે બની તથા તેના કારણ સહિત અન્ય વિગતોને મેળવી એનાલિસિસ કરી ડેટા તૈયાર કરવામાં આવશે. આ ડેટામાં દુર્ઘટનાઓનું નિરાકરણ કેવી રીતે કરવામાં આવે તથા આવી ઘટનાઓને કેવી રીતે ભવિષ્યમાં રોકી શકાય તેની જાણકારી આપવામાં આવશે. આ તમામ વિગતો આ સોફ્ટવેરમાં ઉપલબ્ધ હશે.

પીપીપી સ્તર પર વિકસિત કરાશે સોફ્ટવેરઃ એસઆરઆઈસીટીના વાઇસ ચેરમેન અશોક પંજવાણીએ કહ્યું કે કોલેજના યૂપીએલ સેંટર ફૉર એક્સલેંસ ફૉર સેફ્ટી સ્ટડીઝ (સીઓઈ) વિશે કરાર રાજ્ય સરકારના ઇંડસ્ટ્રીયલ સેફ્ટી એન્ડ હેલ્થ વિભાગની સાથે કરવામાં આવ્યો છે. રાજ્ય સરકારની યોજના અંતર્ગત પબ્લિક પ્રાઇવેટ પાર્ટનરશિપ મૉડલ પર સોફ્ટવેર વિકસિત કરવામાં આવશે, જે દેશનો પ્રથમ પ્રોજેક્ટ હશે. જેના દ્વારા દુર્ઘટનાઓને રોકી શકાશે. 

મુખ્યમંત્રી કરશે ઉદ્ઘાટનઃ કોલેજ તરફથી તૈયાર કરાઇ રહેલા આ સોફ્ટવેરનું ઉદ્ઘાટન રાજ્યના મુખ્યમંત્રી વિજય રૂપાણી દ્વારા 26 જાન્યુઆરીએ કરવામાં આવશે.

આ લાભ મળશેઃસોફ્ટવેરની મદદથી કોઇપણ કંપનીના માલિકની સાથે સેફ્ટી એન્ડ હેલ્થની સાથે જોડાયેલા અધિકારી, ફાયર વિભાગ સહિતના અધિકારી પૂર્ણ જાણકારી ઑનલાઇન તત્કાલ મેળવી શકશે. કેવી રીતે જાનમાલનું નુક્શાન થવાથી બચી શકાય તે માટે સોફ્ટવેર કારગર સાબિત થશે.