વટવા GIDCની અલ્કેશ એન્ટરપ્રાઇઝમાં લાગેલી ભીષણ આગ પર મેળવાયો કાબૂ

અમદાવાદઃ શહેરમાં વટવા જીઆઈડીસીમાં આવેલી કેમિકલ ફેક્ટરીમાં આગ લાગવાની ઘટના બનવા પામી છે. વટવા જીઆઈડીસી ફેઝ-1માં આવેલી કંપનીમાં આગ લાગતા દોડધામ સાથે ભયનો માહોલ છવાયો હતો. ફાયર બ્રિગેડને કોલ મળતા કાફલો ઘટના સ્થળે પહોંચ્યો હતો અને આગ પર કાબૂ મેળવવાની કાયત હાથ ધરી હતી.

મળતી માહિતી પ્રમાણે વટવા જીઆઈડીસીમાં ફેઝ-1માં આવેલી અલ્કેશ એન્ટરપ્રાઇઝ કંપનીમાં ભીષણ આગ લાગી હતી. કંપનીમાં સોલવન્ટ નામક કેમિકલ હોવાથી આગ વધુ પ્રસરી હતી. ભીષણ આગના પગલે ધૂમાડાના ગોટેગાટા દૂરથી જોવા મળી રહ્યાં હતા. આગની ઘટનાનો કોલ મળતા ફાયરના ઉચ્ચ અધિકારીઓ સહિતનો કાફલો ઘટના સ્થળે પહોંચ્યો હતો. 10થી વધુ ફાયર વ્હીકલના કાફલા સાથે લાશ્કરોએ આગ પર કાબૂ મેળવવાનો પ્રયાસ હાથ ધરી ભારે જહેમત બાદ આગ પર કાબૂ મેળવ્યો હતો. આગ લાગવાનું કારણ તપાસ બાદ જાણી શકાશે.