તમિલનાડુમાં સતત બે દિવસથી ભારે વરસાદ, ઈરોડમાં પૂરનું એલર્ટ

તમિલનાડુમાં સતત બે દિવસથી ભારે વરસાદ અને, ગુંડરીપલ્લમ ડેમમાંથી પાણી છોડવામાં આવ્યા બાદ ઈરોડ જિલ્લામાં પૂરની ચેતવણી આપવામાં આવી છે. સોમવારે ડેમમાંથી ૧,૪૯૨ ક્યુસેક પાણી છોડવામાં આવ્યું છે. આ જોતા જળ સંસાધન વિભાગે ગ્રામજનોને નદી અને નાળાના કિનારાથી દૂર રહેવા જણાવ્યું છે. જળ સંસાધન વિભાગના જણાવ્યા અનુસાર ડેમમાંથી પાણી છોડાયા બાદ આ જળાશયોમાં પાણીનું સ્તર વધવાની શક્યતા છે.

હવામાન વિભાગના જણાવ્યા અનુસાર, જિલ્લામાં ૩૫૮.૧૨ મીમી વરસાદ નોંધાયો છે કારણ કે સત્યમંગલમ, ગોબીચેટ્ટીપલયમ, , ગુંડરીપલ્લમ, ઈરોડ જિલ્લાના અમ્માપેટમાં ભારે વરસાદ થયો છે, જેના કારણે નદીઓમાં પાણીનું સ્તર વધ્યું છે. આ ઉપરાંત ગોબીચેટ્ટીપલયમમાં ડાંગરના ખેતરોમાં પાણી ઘૂસી ગયા છે, જેના કારણે ડાંગર ખેડૂતોને ભારે નુકસાન થયું છે. જો કે ઘણી જગ્યાએ પાણીનું સ્તર વધ્યું છે, પરંતુ પૂરના કોઈ અહેવાલ નથી અને મકાનો અથવા ઇમારતોને કોઈ નુકસાન થયું નથી. જો કે, ડાંગરના પાકને નુકસાન થવાથી ખેડૂતોને ભારે નુકસાન થયું છે અને જિલ્લા વહીવટીતંત્રે કૃષિ વિભાગને પરિસ્થિતિનો તાગ મેળવવા માટે નિર્દેશ આપ્યો છે. કૃષિ વિભાગ દ્વારા જણાવવામાં આવ્યું હતું કે કાલીપટ્ટીમાં ખેતીની જમીનમાં પાણીના પ્રવાહની જાણ કરવામાં આવી છે અને આગળની કાર્યવાહી કરવામાં આવશે અને નુકસાનની ચકાસણી કર્યા પછી યોગ્ય નુકસાનનું મૂલ્યાંકન કરવામાં આવશે.