આફ્રિકાની બહાર આ દેશમાં અત્યંત ચેપી મંકીપોક્સ વેરિઅન્ટનો પ્રથમ કેસ જોવા મળ્યો
હેલસિંકી: મંકીપોક્સનો અત્યંત ચેપી ક્લેડ I ટાઇપનો પ્રથમ કેસ સ્વીડનમાં મળી આવ્યો છે. દેશની જાહેર આરોગ્ય એજન્સીએ ગુરુવારે જણાવ્યું હતું કે આફ્રિકાની બહાર આ પ્રકારનો આ પ્રથમ પુષ્ટિ થયેલ કેસ છે. આરોગ્ય એજન્સીના રોગચાળાના નિષ્ણાત મેગ્નસ ગિસ્લેને એક અખબારી યાદીમાં જણાવ્યું હતું કે દર્દીને આફ્રિકાના એવા વિસ્તારમાં મુસાફરી કરતી વખતે ચેપ લાગ્યો હતો જ્યાં મંકીપોક્સ ક્લેડ I ફેલાય છે.
વર્લ્ડ હેલ્થ ઓર્ગેનાઇઝેશને મંકીપોક્સને આંતરરાષ્ટ્રીય ચિંતાની જાહેર આરોગ્ય કટોકટી જાહેર કર્યાના એક દિવસ બાદ આ અહેવાલ આવ્યો છે.
હેલ્થ એજન્સીએ નોંધ્યું હતું કે, અગાઉના ટાઇપથી વિપરીત જે મુખ્યત્વે જાતીય સંપર્ક દ્વારા ફેલાય છે, ક્લેડ I હવે મુખ્યત્વે ઘરના સંપર્કો દ્વારા ફેલાય રહ્યો છે અને ઘણીવાર બાળકોને ચેપગ્રસ્ત કરે છે. તે ક્લેડ IIB વેરિઅન્ટ જેવા જ રોગનું કારણ બને છે, જે 2022 માં આંતરરાષ્ટ્રીય સ્તરે ફેલાયો હતો, પરંતુ ક્લેડ I વધુ ગંભીર હોઈ શકે છે અને તેનો મૃત્યુદર પ્રમાણમાં વધારે છે.
એજન્સીએ કહ્યું કે સ્વીડન ક્લેડ I દર્દીઓના નિદાન, સારવાર અને અલગાવ માટે તૈયાર છે. તેણે અગાઉ સંકેત આપ્યો હતો કે દેશમાં વિવિધ પ્રકારના અલગ કેસ બહાર આવી શકે છે.
સ્વીડને ચેપના પાછલી લહેરમાં લગભગ 300 મંકીપોક્સ ક્લેડ IIB કેસ નોંધ્યા હતા.