ધ્યાનમાં રાખોઃ ગેસ સિલિન્ડર સહીત પાંચ નિયમો ૧ ઓગસ્ટ, ૨૦૨૪થી બદલાશે

નવીદિલ્હી: ૧ ઓગસ્ટ, ૨૦૨૪થી થવા જઈ રહેલા ફેરફારો તમારા ખિસ્સા પર અસર કરશે. ૧લી ઓગસ્ટે એલપીજી ગેસ સિલિન્ડરની કિંમતમાં ફેરફાર થઈ શકે છે. HDFC ક્રેડિટ કાર્ડ ચાર્જમાં પણ ફેરફાર થવા જઈ રહ્યો છે. ગેસ સિલિન્ડરની કિંમતો દર મહિનાની પહેલી તારીખે નક્કી કરવામાં આવે છે. કોમર્શિયલ અને ડોમેસ્ટિક ગેસ સિલિન્ડરની કિંમતો ૧ ઓગસ્ટના રોજ નક્કી કરવામાં આવી છે. ગયા મહિને સરકારે કોમર્શિયલ ગેસ સિલિન્ડરના ભાવમાં ઘટાડો કર્યો હતો. આ વખતે પણ સરકાર ગેસ સિલિન્ડરના ભાવ નક્કી કરે તેવી આશા છે.

ભાડાની ચુકવણી કરવા માટે CRED, Cheq, MobiKwik, Freechargeઅને આવી અન્ય સેવાઓનો ઉપયોગ કરતા ગ્રાહકો પાસેથી વ્યવહારની રકમ પર ૧% ચાર્જ કરવામાં આવશે, જે પ્રતિ ટ્રાન્ઝેક્શન ?૩૦૦૦ સુધી મર્યાદિત છે. પ્રતિ ટ્રાન્ઝેક્શન રૂ.૧૫,૦૦૦થી ઓછા ઈંધણના વ્યવહારો માટે કોઈ વધારાનો ચાર્જ લેવામાં આવશે નહીં. જો કે, રૂ.૧૫,૦૦૦થી વધુના વ્યવહારો પર સમગ્ર રકમ પર ૧% ચાર્જ લેવામાં આવશે, જે પ્રતિ ટ્રાન્ઝેક્શન રૂ.૩,૦૦૦ સુધી મર્યાદિત છે.

યુટિલિટી ટ્રાન્ઝેક્શનના નિયમોમાં થવા જઈ રહેલા ફેરફારમાં રૂપિયા ૫૦,૦૦૦થી ઓછા ટ્રાન્ઝેક્શન પર કોઈ વધારાનો ચાર્જ લેવામાં આવશે નહીં. રૂપિયા ૫૦,૦૦૦થી વધુના વ્યવહારો પર સમગ્ર રકમ પર ૧% ચાર્જ લેવામાં આવશે, જે પ્રતિ વ્યવહાર રૂપિયા ૩૦૦૦ સુધી મર્યાદિત છે. CRED, Cheq, MobiKwik અને અન્ય જેવી થર્ડ પાર્ટી એપ્સ દ્વારા કરવામાં આવેલ વ્યવહારો પર ૧% ચાર્જ લાગશે, જે પ્રતિ ટ્રાન્ઝેક્શન રૂપિયા ૩૦૦૦ સુધી મર્યાદિત છે. રૂપિયા ૧૦૦થી રૂપિયા ૧,૩૦૦ સુધીની બાકી રકમના આધારે લેટ પેમેન્ટ ચાર્જ પ્રક્રિયામાં સુધારો કરવામાં આવ્યો છે. કોઈપણ ઓનલાઈન અથવા ઓફલાઈન સ્ટોર પર ઈઝી-ઈએમઆઈ વિકલ્પનો લાભ લેવા પર રૂપિયા ૨૯૯ સુધીના EMI પ્રોસેસિંગ શુલ્ક વસૂલવામાં આવશે. HDFC બેંક તેના Tata Neu Infinity અને Tata Neu Plus ક્રેડિટ કાર્ડ્‌સમાં ૧ ઓગસ્ટ, ૨૦૨૪થી ફેરફારો લાગુ કરશે. ૧ ઓગસ્ટ, ૨૦૨૪થી, Tata Neu Infinity અને Tata Neu Plus બેંક ક્રેડિટ કાર્ડ વપરાશકર્તાઓને , Tata New Infinity HDFCનો ઉપયોગ કરીને કરવામાં આવેલ પાત્ર UPI વ્યવહારો પર ૧.૫% NewCoins મળશે.

ગૂગલ મેપ્સે ભારતમાં તેના નિયમોમાં મહત્વપૂર્ણ ફેરફારો કર્યા છે, જે ૧ ઓગસ્ટ, ૨૦૨૪થી સમગ્ર દેશમાં લાગુ થશે. કંપનીએ ભારતમાં તેની સેવાઓ માટેના શુલ્કમાં ૭૦ ટકા સુધીનો ઘટાડો કર્યો છે. આ સાથે, ગૂગલ મેપ હવે તેની સેવાઓ માટે ડોલરને બદલે ભારતીય રૂપિયામાં પૈસા લેશે. જો કે, આ ફેરફાર સામાન્ય વપરાશકર્તાઓને અસર કરશે નહીં કારણ કે તેમના માટે કોઈ વધારાના શુલ્ક લાદવામાં આવ્યા નથી. ઓગસ્ટ મહિનો આવવાનો છે. વર્ષ ૨૦૨૪માં બેંકો કુલ ૧૩ દિવસ બંધ રહેશે. તેમાં બધા રવિવાર, બીજા અને ચોથા શનિવારનો સમાવેશ થાય છે. શનિ-રવિને કારણે ઓગસ્ટ મહિનામાં છ દિવસ બેંકો બંધ રહેશે. આ ઉપરાંત વિવિધ તહેવારોને કારણે સાત દિવસની રજા રહેશે. ૧૫મી ઓગસ્ટે સ્વતંત્રતા દિવસ, ૧૯મી ઓગસ્ટે રક્ષાબંધન અને ૨૬મી ઓગસ્ટે જન્માષ્ટમીના દિવસે બેંકો બંધ રહેશે.