આગામી બે દિવસ રાજ્યમાં ભારે વરસાદની આગાહી, ૭ દિવસ રાજ્યમાં વરસાદી માહોલ રહે તેવી સંભાવના

અમદાવાદ: હવામાન વિભાગએ વરસાદને લઈ ફરી એકવાર આગાહી વ્યક્ત કરી છે. હવામાન વિભાગની આગાહી અનુસાર આગામી ૭ દિવસ રાજ્યમાં વરસાદી માહોલ રહે તેવી સંભાવના છે. જો કે આગામી બે દિવસ રાજ્યમાં ભારે વરસાદની આગાહી કરવામાં આવી છે. તો આ તરફ દક્ષિણ ગુજરાતના તમામ જિલ્લાઓમાં વરસાદની આગાહી કરવામાં આવી છે. તેમજ ઉત્તર ગુજરાતમાં સામાન્ય થી મધ્યમ વરસાદની આગાહી વ્યક્ત કરવામાં આવી છે. તો સૌરાષ્ટ્રમાં સામાન્યથી મધ્યમ વરસાદની આગાહી કરવામાં આવી છે.

હવામાન વિભાગે અનુસાર રાજ્યમાં આગામી ૨૪ કલાકમાં દક્ષિણ ગુજરાત અને ઉત્તર ગુજરાતમાં ભારે વરસાદની આગાહી વ્યક્ત કરવામાં આવી છે. જેમાં સુરત, નર્મદા, ડાંગ, નવસારી, વલસાડ, તાપી, દમણ, દાદરા નગર હવેલીમાં ભારે વરસાદની આગાહી વ્યક્ત કરવામાં આવી છે. તેમજ ભરૂચ, છોટા ઉદેપૂર, વડોદરા, દાહોદમાં પણ ભારે વરસાદ પડે તેવી સંભાવના છે. આવતી કાલે અરવલ્લી, દાહોદ, મહીસાગર, વલસાડમાં ભારે વરસાદ વરસે તેવી આગાહી કરવામાં આવી છે. થન્ડર સ્ટોમ એક્ટિવિટી સાથે વરસાદની આગાહી કરવામાં આવી છે. વરસાદી માહોલ હાલ મધ્યપ્રદેશ ઉપર સિસ્ટમને લઈને ગુજરાતમાં વરસાદી માહોલ છવાયેલો છે. તો બીજી તરફ અમદાવાદ અને ગાંધીનગરમાં હળવાથી સામાન્ય વરસાદ રહે તેવી આગાહી કરવામાં આવી છે.

ઉલ્લેખનીય છે કે છેલ્લા એક મહિનાથી રાજ્યમાં વરસાદ ન હતો. જે બાદ છેલ્લા કેટલાક દિવસથી હવામાન વિભાગની આગાહી તેમજ હવામાન નિષ્ણાત અંબાલાલ પટેલની આગાહી પ્રમાણે રાજ્યમાં વરસાદી માહોલ જોવા મળી રહ્યો છે. જેમાં બે દિવસ પહેલા રાજ્યમાં ૯૪.૫ ટકા જેટલો સિઝનનો વરસાદ નોંધાયો હતો. જે વરસાદમાં ગત બે દિવસમાં પડેલા વરસાદને લઈને રાજ્યમાં હાલ સુધી ૯૬.૫ ટકા વરસાદ નોંધાયો છે અને હજુ પણ આ વરસાદની ટકાવારી વધવાની શક્યતા છે. એટલે કે આ સિઝનમાં ૧૦૦ ટકા જેટલો વરસાદ નોંધાઈ શકે છે. જે ચાલુ સિઝનનો સારો વરસાદ કહી શકાય.