ચાર્જઝોને ઇન્ટરસિટી ઇલેક્ટ્રિક બસ, ટ્રક અને ફ્લીટ્સ માટે ઈવી ચાર્જિંગના એક અબજ અમેરિકી ડોલરના એનર્જી કોન્ટ્રાક્ટ્સ મેળવ્યા, જે ઉદ્યોગમાં પ્રથમ વખત બન્યું

ઇલેક્ટ્રિક બસ, ટ્રક અને કારના લાંબા ગાળાના ફ્લીટ કમિટમેન્ટ્સ એક હજાર નવા સુપરચાર્જિંગ સ્ટેશનોને આધાર આપશે

વડોદરા – ભારતના સૌથી ઝડપથી વિકસતા ઈવી સુપરચાર્જિંગ નેટવર્કમાંના એક, ચાર્જઝોને આજે જાહેરાત કરી કે તેણે ઇન્ટરસિટી ઇલેક્ટ્રિક બસ, ટ્રક અને કમર્શિયલ કાર ફ્લીટ્સ માટે ઈવી ચાર્જિંગના લાંબા ગાળાના એનર્જી કોન્ટ્રાક્ટ્સ મેળવ્યા છે, જેની સંચિત કિંમત એક અબજ અમેરિકી ડોલરથી વધુ (અંદાજે ૧૦,૫૦૦ કરોડ રૂપિયા) છે. આ કોન્ટ્રાક્ટેડ ડિમાન્ડ ચાર્જઝોનના સુપરચાર્જિંગ વિસ્તરણના આગામી તબક્કાને આધાર આપશે, જે અંતર્ગત કંપની મુખ્ય નેશનલ હાઇવે કોરિડોર્સ પર એક હજાર નવા સ્ટેશનો સ્થાપવાની યોજના ધરાવે છે.

આ કોન્ટ્રાક્ટેડ ફ્લીટ્સમાં, ચાર્જઝોન અપેક્ષા રાખે છે કે નવા ઈવી ચાર્જિંગ સ્ટેશનો દરરોજ ૧૫,૦૦૦ થી વધુ ઈવીને સપોર્ટ કરશે. આ સેગમેન્ટ્સમાં તેમના પ્રિડિક્ટેબલ રૂટ્સ, વધુ ચાર્જિંગ ફ્રિક્વન્સી અને રિકરિંગ એનર્જી જરૂરિયાતોને કારણે કંપનીને ઇન્ફ્રાસ્ટ્રક્ચર તૈનાત કરતાં પહેલાં ક્યાં અને કેટલી ચાર્જિંગ કેપેસિટીની જરૂર પડશે તેની વધુ સારી દૃશ્યતા મળે છે.

ચાર્જઝોનના ફાઉન્ડર અને સીઈઓ કાર્તિકેય હરિયાણીએ જણાવ્યું, “ભારતનું ઈવી ચાર્જિંગ માર્કેટ એવા તબક્કામાં પ્રવેશી રહ્યું છે જ્યાં સ્કેલ ફક્ત કેટલા ચાર્જર્સ તૈનાત કરવામાં આવ્યા છે તેનાથી નહીં, પરંતુ તેમના દ્વારા કેટલી એનર્જી ડિલિવર અને વેચવામાં આવે છે અને આ એસેટ્સનો ઉપયોગ કેટલી સાતત્યપૂર્ણ રીતે થાય છે તેનાથી માપવામાં આવશે. બસ, ટ્રક અને ફ્લીટ્સમાં લાંબા ગાળાની ડિમાન્ડ કોન્ટ્રાક્ટ થવાથી, અમે દૃશ્યમાન એનર્જી કન્ઝમ્પશન સામે નવી કેપેસિટી બનાવી શકીએ છીએ, તૈનાતી પછી ડિમાન્ડ ઉભરી આવવાની રાહ જોવાને બદલે. આનાથી દરેક સ્ટેશનની ઇકોનોમિક્સ સુધરે છે અને ચાર્જિંગ ઇન્ફ્રાસ્ટ્રક્ચરમાં મોટા પાયે લાંબા ગાળાની મૂડી લાવવા માટે એક મજબૂત પાયો બને છે.“

ચાર્જઝોનના ચીફ ફાઇનાન્શિયલ ઓફિસર (સીએફઓ) મનીષ મધોગરિયાએ જણાવ્યું, “ઈવી ચાર્જિંગ એક મૂડી-સઘન ઇન્ફ્રાસ્ટ્રક્ચર બિઝનેસ છે, તેથી નેટવર્ક જેમ-જેમ સ્કેલ થાય છે તેમ-તેમ દરેક એસેટ પાછળની ડિમાન્ડની ગુણવત્તા અને દૃશ્યતા મહત્વપૂર્ણ બની જાય છે. આ લાંબા ગાળાના કોન્ટ્રાક્ટ્સ અમને ભવિષ્યની એનર્જી રેવન્યુમાં વધુ સારી દૃશ્યતા આપે છે અને અમને સ્પષ્ટ ડિમાન્ડ પ્રોફાઇલ ધરાવતા ઇન્ફ્રાસ્ટ્રક્ચર સામે વધુ પસંદગીપૂર્વક મૂડી તૈનાત કરવાની મંજૂરી આપે છે. જેમ-જેમ અમે મૂડીનો આગામી પૂલ એકત્ર કરીશું, અમારું ધ્યાન કેપિટલ ડિસિપ્લિન જાળવી રાખીને આ વિસ્તરણને ફંડ કરવા માટે ડેટ અને ઇક્વિટીના યોગ્ય મિશ્રણને બનાવવા પર રહેશે.“

આ વિસ્તરણને સપોર્ટ કરવા માટે, ચાર્જઝોને વધુમાં ભારતીય બેંકો મારફતે અઢી કરોડ અમેરિકી ડોલર (અઢીસો કરોડ રૂપિયા)નું ડેટ ફાઇનાન્સિંગ મેળવ્યું છે અને 2026-2027 દરમિયાન વધારાના દસ કરોડ અમેરિકી ડોલર એકત્ર કરવાની યોજના ધરાવે છે. આ મૂડી નવા સુપરચાર્જિંગ સ્ટેશનો, માઇક્રો-ગ્રિડ ઇન્ફ્રાસ્ટ્રક્ચર, એનર્જી-મેનેજમેન્ટ ટેકનોલોજી અને નેટવર્કના વ્યાપક વિસ્તરણ તરફ તૈનાત કરવામાં આવશે. લાંબા ગાળાના ફ્લીટ કોન્ટ્રાક્ટ્સ ભવિષ્યની એનર્જી ડિમાન્ડ અને ઉપયોગ પર વધુ સારી દૃશ્યતા આપે છે, જે નવા ચાર્જિંગ એસેટ્સ માટેના ઇન્વેસ્ટમેન્ટ કેસને મજબૂત બનાવે છે.

આ વિસ્તરણથી ૧૮૦ મેગાવોટ ચાર્જિંગ કેપેસિટી ઉમેરાશે, જેનાથી ચાર્જઝોનની સંચિત નેટવર્ક કેપેસિટી હાલના એકસો વીસ મેગાવોટથી વધીને ત્રણસો મેગાવોટ થશે. પૂર્ણ તૈનાતી પર, કંપની વાર્ષિક આશરે સાતસો ગીગાવોટ-કલાક એનર્જી ડિલિવર કરવાની, દરરોજ પંદર હજારથી વધુ ચાર્જિંગ સેશન્સને સપોર્ટ કરવાની અને આશરે ત્રીસ ટકા સરેરાશ નેટવર્ક યુટિલાઇઝેશન પર કાર્ય કરવાની અપેક્ષા રાખે છે, જે ચાર્જઝોનના હાલના ચૌદ ટકા યુટિલાઇઝેશનથી વધારે છે.

અંદાજિત ઈવી ટ્રાફિક પર મુખ્યત્વે આધારિત નેટવર્ક વિસ્તરણથી વિપરીત, ચાર્જઝોનના તૈનાતીના આગામી તબક્કાનો પાયો લાંબા ગાળાની ફ્લીટ ડિમાન્ડ પર રાખવામાં આવ્યો છે. બસ અને ટ્રક જેવા કમર્શિયલ ફ્લીટ્સ વધુ પ્રિડિક્ટેબલ રૂટ્સ પર ચાલે છે અને પ્રતિ વાહન નોંધપાત્ર રીતે વધુ એનર્જીનો વપરાશ કરે છે, જે ચાર્જઝોનને મૂડી તૈનાત કરતાં પહેલાં સ્ટેશન પર અપેક્ષિત થ્રુપુટની સ્પષ્ટ દૃશ્યતા આપે છે. આ ડિમાન્ડ-બેક્ડ અભિગમ ઉપયોગ સુધારવા અને દરેક નવા ચાર્જિંગ એસેટની ઇકોનોમિક્સને મજબૂત બનાવવા માટે ડિઝાઇન કરવામાં આવ્યો છે.

વિસ્તરણના ભાગ રૂપે, ચાર્જઝોન તેના હાઇ-સ્પીડ ચાર્જિંગ ઇન્ફ્રાસ્ટ્રક્ચરમાં સૌર ઊર્જા ઉત્પાદન અને બેટરી એનર્જી સ્ટોરેજ સિસ્ટમ્સ (બેસ) સહિત રિન્યુએબલ એનર્જી સ્રોતોનું એકીકરણ ચાલુ રાખે છે, જેથી ચાર્જિંગ માટે ઉપયોગમાં લેવાતી રિન્યુએબલ એનર્જીનો હિસ્સો વધારી શકાય, પીક પાવર જરૂરિયાતોનું સંચાલન કરી શકાય અને સાઇટ-લેવલ એનર્જી રેઝિલિયન્સ મજબૂત બનાવી શકાય.