હવાની ગુણવત્તા સુધારવા માટે 13 હોટસ્પોટ માટે એક્શન પ્લાન બનાવવામાં આવશે

નવી દિલ્હી:  દિલ્હીના પર્યાવરણ મંત્રી ગોપાલ રાયે મંગળવારે જણાવ્યું હતું કે પ્રદૂષણ ઘટાડીને હવાની ગુણવત્તામાં વધુ સુધારો કરવા માટે 13 હોટસ્પોટ્સ માટે અલગ એક્શન પ્લાન બનાવવામાં આવશે.

પર્યાવરણ અને વિન્ટર એક્શન પ્લાનને સુધારવા માટે ગોપાલ રાયની અધ્યક્ષતામાં આજે અહીં “એન્વાર્યમેન્ટલ એક્સપર્ટ મીટ”નું આયોજન કરવામાં આવ્યું હતું. તેમણે કહ્યું કે પ્રદૂષણ ઘટાડવા અને હવાની ગુણવત્તા સુધારવા માટે 13 હોટસ્પોટ્સ માટે અલગ એક્શન પ્લાન બનાવવામાં આવશે. આ “એન્વાર્યમેન્ટલ એક્સપર્ટ મીટ” માં વિન્ટર એક્શન પ્લાનના મુખ્ય મુદ્દાઓની ચર્ચા કરવામાં આવી હતી. “એન્વાર્યમેન્ટલ એક્સપર્ટ મીટ”માં આઇઆઇટી કાનપુરના નિષ્ણાતોએ કૃત્રિમ વરસાદ અંગે પ્રેઝન્ટેશન પણ રજૂ કર્યું હતું.

તેમણે જણાવ્યું હતું કે વિવિધ વિભાગો અને સંસ્થાઓના અધિકારીઓ અને પ્રતિનિધિઓના સૂચનો પર વધુ વિન્ટર એક્શન પ્લાન તૈયાર કરવામાં આવશે. આ મીટનો મુખ્ય ઉદ્દેશ્ય નિષ્ણાતો દ્વારા આપવામાં આવેલા સૂચનો સાથે વિન્ટર એક્શન પ્લાનને વધુ અસરકારક બનાવવાનો છે. તેમણે કહ્યું કે તાજેતરમાં મુખ્યમંત્રી સાથે એક બેઠક યોજાઈ હતી, જેમાં ઘણા ઉદ્યોગપતિઓ પણ સામેલ થયા હતા. એવું સૂચન કરવામાં આવ્યું હતું કે દિલ્હીમાં જે સિવિયર દિવસો હોય છે, તે દરમિયાન કૃત્રિમ વરસાદ પાડવામાં આવે.

પર્યાવરણ મંત્રીએ કહ્યું કે પ્રદૂષણ ઘટાડવા અને હવાની ગુણવત્તા સુધારવા માટે 13 હોટસ્પોટ માટે અલગ એક્શન પ્લાન બનાવવામાં આવશે. નિષ્ણાંતોએ એવી પણ સલાહ આપી છે કે આ તમામ હોટ સ્પોટ પર પ્રદૂષણ ઘટાડવા માટે અલગ-અલગ એક્શન પ્લાન બનાવવો જોઈએ, જેથી દિલ્હીમાં પ્રદૂષણને વધુ ઘટાડી શકાય. તેમણે વધુમાં કહ્યું કે DPCC ટીમ સતત હોટસ્પોટ પર નજર રાખશે. આ ઉપરાંત, તેનું દૈનિક ધોરણે નિરીક્ષણ કરવામાં આવશે.

તેમણે કહ્યું કે 14 સપ્ટેમ્બરે તમામ સંબંધિત વિભાગો સાથે વિન્ટર એક્શન પ્લાન અંગે સમીક્ષા બેઠક યોજવામાં આવશે અને તેના પર સંયુક્ત કાર્ય યોજના તૈયાર કરવામાં આવશે. આ બેઠકનો મુખ્ય ઉદ્દેશ્ય દિલ્હીમાં પ્રદૂષણ સામેની લડાઈમાં સંયુક્ત કાર્ય યોજના ઘડવાનો છે. બેઠકમાં, વિન્ટર એક્શન પ્લાન હેઠળ નિર્ધારિત ફોકસ પોઈન્ટના આધારે વિવિધ વિભાગોને ચોક્કસ કાર્યો સોંપવામાં આવશે.