બદલી: જીપીસીબીમાં સિનિયર વૈજ્ઞાનિક અધિકારી વર્ગ-1 સહિતના વિવિધ હોદ્દા પરના અધિકારીઓના બદલીના હુકમો કરાયા

ગાંધીનગરઃ ગુજરાત પ્રદૂષણ નિયંત્રણ બોર્ડ, ગાંધીનગર ખાતેથી ગુજરાત રાજ્યમાં સિનિયર વૈજ્ઞાનિક અધિકારી વર્ગ 1થી લઇને મદદનીશ પર્યાવરણ ઈજનેર વર્ગ 2 સુધીના અધિકારીઓની તાત્કાલિક અસરથી બદલીના હુકમો કરવામાં આવ્યા છે.

પ્રાપ્ત વિગતો મુજબ ગુજરાત પ્રદૂષણ નિયંત્રણ બોર્ડ ફરજ બજાવતા અધિકારીઓની વહીવટી સરળતા ખાતર જાહેર હિતમાં તથા સ્વ-વિનંતી અનુસાર બદલીના હુકમો કરવામાં આવ્યા છે. જેમાં જીપીસીબીના સિનિયર વૈજ્ઞાનિક અધિકારી વર્ગ-1ના 10, વૈજ્ઞાનિક અધિકારી વર્ગ-2ના 60, નાયબ પર્યાવરણ ઈજનેર વર્ગ-2ના 34, મદદનીશ પર્યાવરણ ઈજનેર વર્ગ-2ના 67 અને સિનિયર વૈજ્ઞાનિક અધિકારી વર્ગ-3ના 22 અધિકારીઓનો સમાવેશ થાય છે.

 બોર્ડ દ્વારા રાજ્યમાં ફરજ બજાવી રહેલા અધિકારીઓની તત્કાલિક અસરથી બદલીના હુકમો કરાતાં ખળભળાટ મચી ગયો છે.